同事剛入住坑口村, 邀請我今晚放工上去佢度House-warming, 更客氣地帶我去附近新開既一間日式餐廳食晚飯。如果唔係同事帶路, 真係唔知呢度有間穩世日式餐廳。
餐廳面積不大, 設有卡位, 坐得幾舒服。
呢度主打日本菜, 當然不少得有多款刺身、壽司、丼、天婦羅、燒物、串燒、汁物、一品料理、日式烏冬等等...小小的餐廳都提供多款選擇。很多款式都想試, 最後大家都點左幾款share試試。
呢度既刺身同埋壽司併盤都設有人數份量落單, 可以平均咁食到每款刺身/壽司。
【刺身盛合】HK$198 (2人)
刺身以冰墊底, 刺身包括有三文魚、油甘魚、甘蝦、八爪魚、吞拿魚、帶子。每款刺身都很新鮮, 而且都是厚切, 絕對滿足到口感,甘蝦肥美鮮甜, 油甘魚味道甘甜, 正!!
【豪門夜宴】HK$478 (2人) 18件
先來一盤18件壽司, 單看這盤壽司上檯已感到很有氣勢, 想不到接下來再另一盤海膽併飯, 原來兩盤加埋才是一個套餐, 很豐富!!
壽司包括有牡丹蝦、吞拿魚、油甘魚、三文魚、三文魚子、帶子、八爪魚、鰻魚、玉子, 另一盤就是海膽全板連飯團/青瓜/紫菜。
壽司上的魚生同樣新鮮, 而且很有份量, 魚生可以整整把壽司飯覆蓋著...最吸引我的就是以腩位做三文魚壽司, 厚切之餘, 更食到豐富魚油, 正!!
另外以珍寶帆立貝做帶子壽司, 非常鮮甜。最有驚喜就係火灸鰻魚壽司, 鰻魚表面稍為燒過, 再掃上燒汁, 入口甜甜地, 更不失鰻魚既厚汁原味, 不會乾身, 不錯!!
【鰻魚太卷】HK$68
太卷SIZE亦很大, 當中有蟹柳、青瓜、蛋、蟹子同埋鰻魚, 入口食到甜甜的蟹柳味, 但鰻魚SIZE太小, 所以整個放入口時, 食唔出入面有夾鰻魚既味道。
【灸燒左口魚邊】HK$38
很喜歡呢度既火灸系列, 因為唔會燒得太乾, 溫度掌握得岩岩好。
左口魚邊帶些少魚油, 帶點爽~
【灸燒黃金海膽赤蝦】HK$58
比較少見既配搭, 赤蝦很大隻, 開邊後加上海膽, 燒至半溶狀, 杰杰的海膽汁顯現金黃, 賣相吸引。
不過味道有點偏鹹, 但赤蝦很爽口。
【鹽燒牛舌】HK$48
厚切牛舌經燒後都唔會好乾身, 表面有少少鹽吊味, 既香口又惹味。更帶點爽口。
【三文魚親子丼】HK$88
三文魚同樣是厚切, 份量能完全把丼飯覆蓋, 再有三文魚籽伴碟, 三文魚籽份量剛剛好, 將整個飯撈埋一齊食, 都唔會過鹹。
呢度既食物質素很有驚喜, 超出預期的好吃, 而且服務更招呼周到, 有機會定必再來幫襯!!
————————————————
餐廳名稱:熊屋.刺身.料亭
Address: 將軍澳坑口村31號地下
Tel.: 23350878
營業時間:
星期一至日
11:30-14:30
18:00-22:00
設加一服務費
接受預先訂座: Yes
====================
Find me on
Facebook/Openrice/UBlog: Keresawong.L.S
====================
Foodie•Beauty•Travel•Lifestyle❤ Instagram/Facebook: Keresawong.L.S ❤ E-mail: keresa820@hotmail.com ❤
10.15.2017
訂閱:
張貼留言 (Atom)
尖沙咀【龍鳳呈祥火鍋雞煲】舊香港主題 帶來味蕾上驚喜!
堂家姐趁住十一黃金周來港旅遊兼探親, 我正好假日休息就帶佢去尖沙咀逛名店, 再帶佢去咗一間以80年代舊香港主題打卡餐廳食雞煲火鍋。原本諗住打卡餐廳食物水準不應抱期望, 反而今晚帶來味蕾上驚喜! 餐廳環境、裝修佈置充滿舊香港氣色, 分別有中式婚宴龍鳳禮堂、留聲機、舊唱盤、雀籠同埋...
-
Promotion code【H&S019】即時9折優惠! 經常對電腦導致肩頸酸痛, 相信係現今都市人既通病。 間中做下按摩, 有助令肩頸鬆弛, 減輕痛楚。 想舒舒服服享受按摩療程, 唔想失預算, 更加唔想被hard-sell? Estebel Spa 位於尖東站P2出口...
-
PRO醬油蟹專門店 地址:서울특별시서초구잠원동27-1 (首爾市瑞草區蠶院洞27-1 Pro大廈1、2樓) 營業時間:16:00-00:00 交通方式:新沙洞站4號出口, 步行約3分鐘 每次到韓國旅行, 其中必食一定係當地醬油蟹! 今次亦不例外, 對上一次到韓...
-
1) 炭燒風川鰻魚 풍천장어 2人份量 66,000W 主打炭燒鰻魚餐廳, 即叫即劏, 已清洗好的原條鰻魚, 經炭燒後鰻魚皮略帶脆, 原汁原味, 以不同香葉夾住入口, 配以秘製汁醬等配料, 令人大口大口吃不停, 喜歡吃鰻魚既朋友, 切勿錯過! 炭燒風川鰻魚 ...
沒有留言:
張貼留言