太子【泰聚】太子街角的驚喜泰菜

一家人揸車出太子食飯, 最易搵到咪錶泊車位都係近花園街, 原來行過少少有唔少食肆選擇, 今晚揀左間泰國菜餐廳食Dinner。

平日晚收工時段, 人流唔算多, 餐廳內整潔, 都坐得幾舒服。

menu上選擇都幾多, 一般泰菜既款式都有齊, 例如生蝦刺身、生菜包、馬拉盞、粉麵等等...更有多款泰式特飲, 當中最得我同媽咪歡心一定係呢兩款野飲。

【原個菠蘿沙冰】
份量不可看少, 沙冰疊得高高的, 菠蘿味很重, 甜甜的, 既可以當飲品飲, 更可以當甜品食。

【原個西瓜沙冰】
細細個既原個西瓜同樣是受歡迎飲品之一。甜度比起菠蘿沙冰稍為甜了一點, 但清新西瓜汁絕對係解渴消暑好選擇。

【泰式小食拼盤 (小)】
我地人少少order左個細size既拼盤, 但上檯發現份量都唔算細。包括有泰式春卷、雞翼、蝦餅、雞肉球同埋魚餅。

蝦餅炸得表面乾身, 鮮甜略帶點彈牙; 魚餅入口有很重既香茅香; 雞肉球入味而且嫩滑; 雞翼juicy; 春卷脆口,而且層次豐富。
呢個拼盤值得一試, 每款小食都很有驚喜!!

【青咖哩牛腩】
好少可泰國餐廳既青咖哩牛腩份量會咁多, 牛腩好林, 而且入味, 青咖哩有淡淡既椰香, 而且甜甜辣辣, 撈飯食簡直一流!

【粉絲雞肉碎湯】
本身想order冬蔭功, 但屋企人唔食得太辣, 所以就order左個唔辣既湯, 本身對個湯冇咩期望, 點知飲左一啖, 就停唔到口。
大量既雞肉碎, 香蔥、玉子同埋吸味既蔬菜+粉絲, 滿足不同口感, 味道清甜。

【椰汁糕】
椰汁糕很滑, 很重既椰奶香, 唔會過甜

整體呢度既野食味道絕對有驚喜, 每款野食味道都唔錯, 而且份量都幾多, 真係要一大班朋友黎先可以試多幾款, 而且地點都幾近太子地鐵站, 有機會定必再來。

————————————————
餐廳名稱：泰聚 
Address: 太子花園街239號嘉慶苑地下
Tel.: 23387666
營業時間：
星期一至日: 11:00-00:00
設加一服務費
接受預先訂座: Yes
====================
Find me on
Facebook/Openrice/UBlog: Keresawong.L.S
====================