坐埋一邊等朋友慢慢揀, 同時亦順便食DINNER~
餐廳內以笑哈哈做主題, 很有童真, 而且給予人一個開心環境下用膳。呢度提供小食、主食、特色飲品同埋甜品, 當中既飲品同甜品更有多款選擇, 大部分款式都很有特色呢~
先來一個前菜小食開開胃, 【蜜香雞翼配薯條】HK$48
雞翼煎得金黃, 表面更有一層薄薄既蜜糖平均包住雞翼, 甜甜的, 不過外皮不脆, 但內裡帶些少肉汁, 不會太乾。薯條好幼, 而且份量好似太少...
朋友ORDER左【波子汽水沙冰】HK$42
對於呢款飲品有點驚喜, 沙冰中層加左cream, 所以飲落有D似波子汽水奶昔, 帶點甜又杰杰地, 沙冰打得非常幼細
而我一向喜歡食棉花糖, 看到MENU上既圖片, 立即被吸引住, 務必要order!
【雲朵紫薯牛奶】HK$38
大大個棉花糖已經很吸晴, 襯托一杯粉紫色笑哈哈既紫薯牛奶, 單看賣相已經很醒神! 味道更幼滑, 奶味濃郁, 淡淡紫薯香, 很少可係其他餐廳可以飲到。
【香煎虎蝦龍蝦汁扁意粉】HK$88
龍蝦汁份量剛剛好, 不會太膩, 味道鮮甜而不會帶甘, 意粉軟硬剛剛好, 最有驚喜就是果四隻虎蝦, 爽口彈牙! 表面既鮮甜龍蝦汁, 更保留到蝦既鮮甜味。
【包鍋西班牙海鮮飯】 HK$98
每日限量供應, 難得來到就點來試試!
大大個農夫包內裝滿意大利飯, 另外更上了一個西班牙忌廉汁, 如果客人喜歡濃味一點, 飯再濕潤一點, 都可以自行再調教。
內裡有細細隻青口, 同埋爽口既蝦
因為我加左大量既汁, 所以個飯好creamy, 忌廉味突出, 農夫包表面很脆, 一切開脆得有聲, 可惜食完個飯再食包, 個包好韌~
先order一個甜品share食【雲呢拿朱古力脆脆雪糕杯】 HK$38
雪糕超出預期既滑!!!! 加上脆片, 軟滑雪糕中帶些少脆片既脆口感, 雪糕本身味道不會太甜, 所以加左朱古力醬, 甜度依然剛剛好。
因為個雪糕太正既關係, 我地決定開動甜品胃, 各人再order一杯雪糕。
原來呢度既棉花糖除左配飲品外, 仲配甜品呢! 賣相同樣吸晴! 絕對係其中呃like既一款甜品!
【焦糖爆谷雲朵雪糕】 HK$48
大大個棉花糖圍邊, 大得連手拎既脆筒位都完全覆蓋了!!
平時食軟雪糕怕側邊漏到周圍係, 而呢款正好被棉花糖圍住, 下層仲有紙巾圍邊托住, 食既時候唔會狼狽。
食完甜甜既棉花糖, 再食脆口焦糖爆谷, 最後就是軟滑雪糕, 整杯雪糕份量都幾大, 食到脆筒底都係雪糕!!! 正啊~!!!
朋友亦唔執輸揀左另一種味, 【朱古力雲朵雪糕】 HK$48
用左原味白色棉花棉圍住雪糕筒, 棉花糖既size同樣好大個, 呢款雪糕以朱古力醬同oreo作為配料, 朱古力醬同樣香濃, 以oreo作為點綴, 令雪糕不再單調！
如果中意食朱古力口味既朋友，十分推薦大家食，又好食又可以影相添！
————————————————
餐廳名稱：SMILEY CAFE with eGG
Address: 旺角亞皆老街8號朗豪坊10樓19-20號舖
Tel.: 23275101
營業時間:
星期一至日: 12:00-23:00
設加一服務費
接受預先訂座: Yes
====================
【FOLLOW ME】
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
Ublog: http://blog.ulifestyle.com.hk/blogger/keresawong/
Pixnet: http://keresa.pixnet.net/blog
沒有留言:
張貼留言