一個明碼實價既價錢, 可以食到唔同款海鮮, 而且每款海鮮都可以自選醬汁, 真令人期待!
在ORDER紙上自選醬汁
先送上蟲草花燉湯, 非常足料好飲, 飲得出係老火湯, 夠哂滋潤
很快以層層蒸籠分好已配好醬汁既海鮮整棟上檯
職員會協助將每層放上蒸爐上, 教好Timer, 唔擔心會蒸過時
發現其中鮑魚相當生猛, 仲郁郁下ga!!
龍蝦 (剁椒): 兩個人食, 開邊龍蝦一人一半, 未試過用辣辣地既醬汁配搭龍蝦, 味道如此新奇, 但不擔心會覆蓋海鮮既原汁原味, 店方只用醬汁淋上面, 不經醃製, 龍蝦超爽口, 陣陣鮮味
鮑魚 (翡翠汁): 其實唔太食得出個汁咩味, 可能因為鮑魚已經夠鮮甜, 很爽, 下次選擇清蒸比較好
魚 (豉汁): 魚好嫩滑, 但鮮味唔太突出, 還好豉汁味道較濃, 調一調味都唔錯! 稍嫌條魚比較多細骨, 食既時候要小心
蜆 (清蒸): 唔知點解兩個人會比5隻蜆, 可以平均分嗎? 不過蜆肉算大隻, 唔會有沙
元貝 (士多啤梨汁): 非常特別既醬汁, 呢個汁配元貝都幾創新, 但食落覺得有d怪, 個汁甜甜地帶微酸, 都係覺得個汁同元貝分開食比較好
帶子 (金銀蒜): 帶子配蒜係隱陣配搭, 隻帶子幾大粒, 而且札實, 蒜帶出帶子鮮味
蟹 (豆醬): 隻蟹雖然細隻, 但都有小小肉食, 唔係水汪汪果種, 豆醬份量較少, 所以唔會蓋過蟹既鮮味
平時食層層蒸海鮮, 最期待係食最底層既粥底, 但呢度竟然用蒸飯做最後一蒸!
鮮蝦蒸飯: 但最終不但冇令我失望, 而且個人好喜歡, 個飯粒粒分明, 飯香味很出, 撈了甜豉油同埋蔥粒, 更加香口,
有幾隻細細隻開邊蝦, 係鮮甜的!
最後送上甜品 -- 椰汁桂花糕
椰香味突出, 再加上陣陣桂花香, 完美啊!!!
蒸海鮮既時間計算得非常好, 每食完一款海鮮, 就剛好另一款海鮮熟, 唔洗呆等, 一款接一款食;
但餐廳晚市人流較多, 未必可以食完坐多陣, 要快速交檯, 有d壓力,
還好海鮮質素唔錯, 服務都幾周到, 每人$300左右都食到飽, 不防一試!
************************************************
水上人八鮮蒸鍋
荃灣沙咀道328號328廣埸地下5號舖
星期一至日: 12:00 - 01:00
************************************************
【FOLLOW ME】
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
Pixnet: http://keresa.pixnet.net/blog
BeautyExchange: http://www.beautyexchange.com.hk/blog/keresawong.l.s
She.com: https://blog.she.com/keresawongls/
ESDlife: http://wow.esdlife.com/keresawong
Weibo: http://weibo.com/keresawong
************************************************
合作/邀請：keresa820@hotmail.com
************************************************
沒有留言:
張貼留言