想一個價錢享受新鮮海鮮, "蒸海鮮"就係最佳選擇! 今晚黎到銅鑼灣一間樓上舖---船渦, 主打蒸海鮮, 而且仲係一人一蒸爐, 食邊款海鮮既先後次序都由自己話事!
餐廳內每張檯既天花都設有卷蓆, 根據每檯客人而分間, 私隱度幾高~
混醬區供自由混醬
今次選擇左最場最貴既"八府巡按", 呢個set有龍蝦食啊!!!
但套餐不包括飲品, 所以飲品就要額外散叫
每個位既空間都幾闊, 就算成個套餐既食物送上, 都唔怕太迫唔夠位擺, 每個蒸爐旁邊都有個list顯示唔同海鮮既蒸煮時間
海鮮船很快送到!! 望落相當豐富, 包括有半隻蟹、帶子、蝦、魚片、白蜆、鮑魚、貴妃蚌、半隻龍蝦、元貝、聖子皇
蒸爐可以set時間掣, 夠鐘就會bibi聲提示食得, 其實依照佢地建議既蒸煮時間, 都唔會蒸過龍而影響質素!
所有海鮮都非常新鮮, 肉質鮮甜札實
開邊龍蝦: 肉質彈牙鮮甜, 不用點額外醬汁調味
蟹: 蟹肉同樣鮮甜, 有肉食, 唔係水汪汪死蟹質素
蝦: 以竹簽串好, 沒有出現痴殼, 可見其新鮮
鮑魚: 上檯時都見鮑魚很新鮮, 生猛得郁郁下!! 蒸後都唔會過份縮水, 彈牙鮮味十足!!
聖子皇: 蒸熟後都依然大大隻, 爽口鮮甜, 沒有沙
海鮮拼盤質素都幾高幾新鮮, 稍嫌有幾隻蜆有少少沙, 有d蒸極都唔開, 但大部份質素都唔錯!
肉類分別有豬、牛、雞, 可自選兩款肉類, 我就揀左牛肉同豬肉, 肉類均為薄切, 長長的卷起, 肉質嫩滑
伴碟既三粒丸類都有唔同餡料, 一咬即爆漿啊!!
仲有蔬菜拼盤, 蒸後亦很清甜~
當差不多食完蒸海鮮, 侍應就會安排最後自選的粥底/粉麵烏冬
我就揀左粥底---南瓜粥
個粥好棉, 但味道清淡, 沒有預期中既鮮甜味, 可能因為之前所蒸既每款海鮮都沒有出太多水而流至下面既粥底中, 但份量超多!!! 幾乎有 4-5碗!
最後仲有自選唔同味既雪條做甜品! 榴槤雪條做完美句號~~~
真正有質素、新鮮海鮮絕對係唔洗額外調味, 都能食到原汁原味既鮮甜~ 食過之後同行的都一致大讚物有所值, 值得ENCORN! 而且服務質素亦招呼周到, 很用心既一間蒸海鮮專門店!!!
************************************************
船渦
銅鑼灣謝斐道500號維安商業大廈3樓舖
星期一至日: 12:00 - 15:00; 17:30 - 23:30
************************************************
【FOLLOW ME】
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
Ublog: http://blog.ulifestyle.com.hk/blogger/keresawong/
Pixnet: http://keresa.pixnet.net/blog
BeautyExchange: http://www.beautyexchange.com.hk/blog/keresawong.l.s
She.com: https://blog.she.com/keresawongls/
ESDlife: http://wow.esdlife.com/keresawong
Weibo: http://weibo.com/keresawong
************************************************
合作/邀請：keresa820@hotmail.com
************************************************
沒有留言:
張貼留言