在廚師推介下, 最後決定今晚就試試OMAKASE吧!
侍應先送上每人一小杯梅酒, 有唔少冰, 含酒量唔算好高, 平時唔飲開酒既我都Handle到, 香醇回甘
之後再送上櫻花茶, 同時亦送上多個精美杯仔比我地自由選擇, 櫻花茶茶味較淡, 有淡淡清香花味
蟹沙律: 很清新, 沙律菜爽脆, 有少少蟹肉增加鮮甜味同埋脆脆增加口感層次
煙燻鴨胸、鵪鶉蛋: 賣相別緻有特色, 煙霧濃罩住上檯, 充滿神秘感, 打開罩, 食物穩約呈現
煙燻鴨出奇很嫩, 味道不會過鹹; 兩隻鵪鶉蛋在雞蛋殻中，味道沒什麼特別
牛油果打成漿, 超幼滑, 入面有幾粒骰仔咁大粒既刺身, 包括有三文魚、立魚, 同埋一件蛋糕仔 完全唔洗額外點汁, 已經夠哂正!!
南瓜蓉包住菇菌, 清甜亦有松露香
日本東坡肉（豚角煮）東坡肉好林好入味, 個汁甜甜地
呢個湯很有特色, 最頂層為木魚, 湯會慢慢滾起升上上層, 當移開小火, 個湯會慢慢漏至下層, 侍應會協助盛好比我地飲, 湯有很重木魚味, 鮮甜無比, 生和牛以熱湯焯至半熟
豆紙帶子壽司: 微甜豆香紙代替紫菜, 質地軟棉, 帶子被切碎, 可以沾上七味粉、紫菜碎, 整個入口, 還是食到帶子鮮甜
三文魚包菜壽司: 三文魚被輕微火灸過, 迫出了魚油, 爽脆生菜包住三文魚壽司, 再加入芝麻醬調味, 配搭很match
鵝肝壽司飯米通: 鵝肝入口即溶, 米通很脆, 但注要要快食, 因為鵝肝既油易令米通變得硬, 個汁係由意大利黑糖+蜜糖（慢火推成）, 甜甜地, 唔錯!
蝦糯米飯: 糯米帶些少煙韌, 糯米很香, 甜蝦被切碎, 配上比豉油味道濃一點既蝦豉汁, 帶出鮮味
炸腐皮+辣吞拿魚: 口感層次豐富
甜品都一樣驚喜! 抹茶雪糕配沙糖多士, 多士烤得很香脆, 面層薄薄玻璃面既沙糖, 甜甜地, 超正!!
OMAKASE很豐富! 款款令人驚喜又期待, 服務亦很主動有禮, 很出色的一間日本料理!
************************************************
UO n
灣仔軒尼詩道256號The Hennessy 3樓
星期一至六: 12:00 - 15:00; 18:00 - 23:00
星期日: 全日休息
************************************************
【FOLLOW ME】
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
Ublog: http://blog.ulifestyle.com.hk/blogger/keresawong/
小紅書: https://www.xiaohongshu.com/user/profile/5b230759e8ac2b524de93a5e
Pixnet: http://keresa.pixnet.net/blog
BeautyExchange: http://www.beautyexchange.com.hk/blog/keresawong.l.s
ESDlife: http://wow.esdlife.com/keresawong
Weibo: http://weibo.com/keresawong
************************************************
合作/邀請：keresa820@hotmail.com
************************************************
沒有留言:
張貼留言