灣仔【雅】幾百蚊都食到Dinner OMAKASE

表弟仔移民後首次回港兼同我慶祝生日, 知我中意食OMAKASE, 特意book咗呢間「彩羽壽司」, 晚市只需幾百蚊起就食到日料廚師發板, 非常抵食!

餐廳全吧檯設計, 環境寧靜, 可以邊食邊同閒聊, 

Dinner set分別有三個價錢選擇, 最後選擇了【雅】HK$580/位

前菜兩款:

磯粒貝: 爽彈入味, 散發淡淡醬油甜味

北海道粟米: 清甜多汁

串燒5串:

包括有雞心、冬菇、雞翼、青椒、雞肉, 燒物保留到肉汁, 特別係雞翼, 表面燒得金黃微脆。

安糠魚肝泡芺: 外層薄脆, 夾上有安糠魚肝獨有嘅鮮香, 鹹甜美味

大分縣珍蠔配黑松露酸汁: 飽滿爽滑, 酸尾尾提鮮開胃, 蠔味重, 而且有海水味

真鯛: 有筋絡連帶, 食出淡魚味

煙燻鰹魚: 滿足相機食先, 煙燻槍製造出輕形波波, 迅間爆開散發煙燻, 煙霧間漸漸睇到鰹魚刺身, 有薑點驟, 微酸唔腥。

鰤魚: 魚質嫩滑, 魚油澎湃

生帶子: 非常肥美鮮甜, 加咗些少柚子皮碎, 清新十足

沙甸鰯魚磯邊卷: 多重沙甸魚分佈, 沙甸嘅清香魚味濃郁, 配上了小黃瓜、香蔥等, 入口層次豐富, 帶一點清新。

赤身: 魚質滑溜

拖羅: 魚質超嫩, 有魚油鮮味, 味道甘香。

海膽軍艦: 海膽入口即溶, 鮮香回甘

太極卷: 為餐廳Signature, 餡料豐富, 包裹了漬蛋黃、海膽、拖羅、青瓜, 店員建議將整個卷物一整個放入口, 大大滿足口感, 勁為creamy。

再送上味噌湯同埋以蝦同帶子打碎焗製而成嘅玉子燒, 微微蛋香蛋甜。

最後嘅驚喜就係雪花刨冰,

師傅即場攞刨冰機即席製作, 有數款口味選擇,  刨冰打得極為幼細, 做到入口即溶, 非常適合呢個夏天食, 自選了桃味, 製作期間加咗桃醬, on top加上練奶同埋桃肉, 每啖都食到清甜桃味, 仲好透心涼。

彩羽壽司

灣仔謝斐道151-161號金聲大廈地下A號舖

.

KERESAWONG.L.S'S PLATFORM:

Instagram: https://www.instagram.com/keresawong.l.s/

Facebook: https://www.facebook.com/keresawong/

Threads: https://www.threads.com/@keresawong.l.s

Blogspot: https://keresawongls.blogspot.hk/

Ublog: https://blog.ulifestyle.com.hk/keresawong

XHS: https://www.xiaohongshu.com/user/profile/5b230759e8ac2b524de93a5e

灣仔【盛記酒家】煲仔菜一流!

去完澳洲旅行返港即刻想食返中菜, 今晚同媽咪去咗灣仔呢間盛記酒家食晚飯。

酒樓地方企理, 傳統式中菜酒樓格局, 放有多張圓檯。

人少只能點咗兩款菜式share食, 兩款煲仔菜式味道都好岩口味。

煲仔熱辣辣上檯, 散發陣陣香氣。

【蒜香爆龍躉球】HK$298

龍躉球大大件厚切、無骨啖啖肉, 被泡油過而鎖住原本肉汁, 龍躉球實肉有獨特嘅魚鮮味, 煲仔內放有大量蒜頭同埋蔥段, 香氣十足!

【錦江海鮮豆腐煲】HK$148

炸豆腐表面盡吸鹹甜茨汁, 內裡香滑, 配有蝦、珊湖蚌、魷魚同埋西蘭花, 豐富美味。

最後仲有免費是日糖水送, 滿足!

茶芥: HK$19/位

盛記酒家

灣仔杜老誌道6號群策大廈3樓

.

其他平台:

Instagram: https://www.instagram.com/keresawong.l.s/

Facebook: https://www.facebook.com/keresawong/

Blogspot: https://keresawongls.blogspot.hk/

Ublog: https://blog.ulifestyle.com.hk/keresawong

She.com: https://blog.she.com/keresawong/

小紅書: https://www.xiaohongshu.com/user/profile/5b230759e8ac2b524de93a5e

ESDlife: http://wow.esdlife.com/keresawong

Weibo: http://weibo.com/keresawong

灣仔【鮨樂】限定海膽系列 鮮味十足!

公司出糧日, 同同事又有籍口食個水準又有豐富嘅Lunch。得知「鮨樂」新推出限定海膽款式, 當然要把握一試。

「鮨樂」灣仔店內環境舒適企理, 開放式刺身壽司主理區, 令空間感突出, 而且增加處理食物嘅透明度, 對衛生更有保證。

限定海膽款式除了有各款精選小食, 另有三款壽司配搭, 身為海膽控嘅我地, 絕對冇錯過任何有關海膽嘅菜式。

午市附送湯、沙律

【原板海膽(50g)】HK$198

海膽必點之一, 原板海膽粒粒飽滑, 入口漸漸溶化, 鮮味十足, 附上脆紫菜同埋少許壽司飯自行配搭入口, 大滿足!!

【海膽蟹肉海鮮蒸蛋】HK$48

蒸蛋熱辣辣, 嫩滑得入口即化, 蒸蛋中加入了東菇、爽口大蝦, 再淋上蟹肉順滑茨汁, 啖啖鮮甜又有層次。  

【海膽玉子燒】HK$38

玉子燒上加上了大量蘿蔔蓉, 另有些少上湯浸著, 伴有七味粉。整個玉子燒連蘿蔔蓉入口, 蘿蔔蓉清甜獨有味道很重, 但就不太吃出海膽味。

【海膽三文魚籽三色迷你杯飯】HK$98

迷你杯飯中包括有海膽、三文魚籽同埋吞拿魚蓉, 三重鮮味配搭, 令啖啖鮮味濃郁。 

【海膽蔥粒吞拿魚脆脆手卷】HK$88/件

海苔脆脆夾住了壽司飯、沙律菜、海膽、三文魚籽同埋吞拿魚蓉, 食材豐富, 每啖都食到新鮮食材, 口感可說是外脆內嫩, 多重口感兼鮮味十足, 大愛! 超推介!

另外, 限定款式壽司更推出三款不同配搭嘅火灸海膽系列:

【火灸海膽三文魚壽司】HK$18/件

火灸海膽放於三文魚之上同時火灸, 令三文魚滲出部份魚油, 令口感更軟嫩, 兼多一份魚油香。

【火灸海膽赤蝦壽司】HK$18/件

鮮甜爽口赤蝦, 配上火灸海膽, 鮮甜中同時滲出火灸海膽嘅甘香味, 雙重鮮味。

【火灸海膽墨魚壽司】HK$18/件

軟嫩微爽墨魚上加上海膽再火灸, 甘香美味。

鮨樂 

灣仔港灣道 30 號新鴻基中心 1 樓 137-139 號舖

.

其他平台:

Instagram: https://www.instagram.com/keresawong.l.s/

Facebook: https://www.facebook.com/keresawong/

Blogspot: https://keresawongls.blogspot.hk/

Ublog: https://blog.ulifestyle.com.hk/keresawong

She.com: https://blog.she.com/keresawong/

小紅書: https://www.xiaohongshu.com/user/profile/5b230759e8ac2b524de93a5e

ESDlife: http://wow.esdlife.com/keresawong

Weibo: http://weibo.com/keresawong

灣仔【YAKITORI KOBAKO】讚口不絕 吃出日本味道

提到居酒屋第一時間諗起上年食過嘅呢間, 位於灣仔汕頭街呢間日本東京過江龍「YAKITORI KOBAKO」, 餐廳由日本人主理, 裝修環境、氣氛充滿著濃厚日本氣氛。高質水準食物, 食過令人讚口不絕, 今晚同朋友再度encore! 同樣水準保持。

【明太子薯仔沙律】HK$78

混入了明太子嘅薯蓉口感實在, 加入了三文魚籽, 稍為多一點魚油鹹鮮。

【唐揚迷你蝦】HK$88

唐揚蝦size算不上迷你, 炸後甘味香口亦沒半點油膩, 送酒一流!

【吉列芝士火腿三文治】HK$58 (2枚)

吉列三文治較為扁, 中層夾了半熔芝士同埋火腿, 外層炸得金黃鬆脆, 內層鹹甜美味, 推介。

【燒牛舌】HK$138

牛舌表面有油光, 雖然唔係好厚切, 但口感爽滑keep到肉汁。

【鹽燒三文魚腩】HK$108

三文魚皮燒得帶點焦燶, 微脆香口, 魚質嫩滑滲出魚油, 伴有白蘿蔔蓉, 有助解膩。

【日本產白燒鰻魚】HK$108

鰻魚厚切兼已被去骨, 魚質爽彈, 鮮香味十足, 大愛!!

【鵪鶉蛋豬肉卷】HK$46

豬肉卷卷住了鵪鶉蛋, 一咬鵪鶉蛋蛋黃爆開, 平衡到豬肉肉香, 味道同口感同樣很讚!

【雞軟骨】HK$48

雞胸軟骨燒得微微焦燶, 加咗少少鹽調味, 爽脆度十足。

【雞肉棒】HK$53

雞肉棒雖然沒夾集軟骨碎, 但肉質嫩滑juicy, 沾蛋汁食, 多一層黏滑。

YAKITORI KOBAKO

灣仔汕頭街30號意適樓地舖

.

其他平台:

Instagram: https://www.instagram.com/keresawong.l.s/

Facebook: https://www.facebook.com/keresawong/

Blogspot: https://keresawongls.blogspot.hk/

Ublog: https://blog.ulifestyle.com.hk/keresawong

She.com: https://blog.she.com/keresawong/

小紅書: https://www.xiaohongshu.com/user/profile/5b230759e8ac2b524de93a5e

ESDlife: http://wow.esdlife.com/keresawong

Weibo: http://weibo.com/keresawong