每逢經過利東街見到呢間天婦羅丼飯餐廳--金子半之助, 十次有九次門外都出現人龍, 今日同丫妹經過, 未到放工繁忙時間, 可以順利安排入座, 終於可以唔洗久等就有得食喇!!
餐廳內面積不大, 被安排坐吧檯, 可以近距離見到師傅處理食物過程,
先知道原來炸嘅過程都好講究技巧,
款式選擇唔多, 所有都係天婦羅丼, 有飯有烏冬咁~
我揀咗個賣相最豐富澎湃嘅丼飯, 所有天婦羅即叫即炸, 整齊排好上檯,
【豐盛華麗之 江戶前天丼】HK$138
呢款丼飯有建議進食嘅先後次序, 果然冇介紹錯, 食得津津有味。
丼飯被豐富食材完全醃沒, 天婦羅炸物皮薄金黃鬆脆不油, 淋上了醬汁,
食材同飯底都稍為吸到些少醬汁, 微鹹微甜, 提升味道。
超長巨型穴子非常吸晴, 穴子即係星鰻, 纖細脂肪少, 口感實肉, 而且冇骨, 可以放心啖啖肉食;
莢豌豆、海苔薄脆清香; 兩隻海老打孖上, 爽口肥美;
其中最欣賞就係由粒粒小柱魷魚併成嘅天婦羅餅, 爽口唔硬, 好似魚片口感, 又有鮮甜魷魚香。
飯底口感軟熟, 依據建議指示, 食咗一半飯之後, 再篤穿溫泉蛋, 蛋汁包住每粒飯粒, 再加上醬汁, 令整個飯更加正!
【迷你天丼&稻庭烏冬】HK$118
店員送上了一大個木盒, 放了四種配料(蔥花、海藻、鰹魚花、天婦羅碎)供自由配搭加入湯烏冬內, 稍嫌個湯底鹹咗少少。
迷你天丼同樣有天婦羅海老、海苔、莢豌豆、溫泉蛋, 多添了南瓜同埋菇, 有少少飯墊底, 對星鰻不太感質趣嘅, 不防點呢款試試。
.
金子半之助
灣仔皇后大道東200號利東街地下G16號舖
星期一至日: 11:30 - 22:00
.
平台參考:
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
BeautyExchange: http://www.beautyexchange.com.hk/blog/keresawong.l.s
ESDlife: http://wow.esdlife.com/keresawong
Weibo: http://weibo.com/keresawong
沒有留言:
張貼留言