表弟下星期即將移居澳洲, 臨飛前約佢食餐farewell dinner。
表弟做教師, 熱愛藝術文化氣息, 所以選址近鵝頸橋、以梵高名畫做主題嘅西餐廳。
餐廳面積不大, 劃分為娛樂同用餐區, 牆上掛了不少梵高名畫, 欣賞又可以打卡。
晚市主要供應多款dinner set, 均能滿足肉食、素食同追求健康嘅食客。
我地各人都揀咗個dinner set, 同樣包括了是日餐湯同埋餐包。
是日餐湯-雜菜湯 + 餐包
味道很淡, 超微酸甜, 有好多好林嘅雜菜; 餐包即烘熱, 自行搽上牛油。
我所揀嘅Dinner set, 首先有歐陸式前菜小食,
主要以牛油果製成, 口感creamy, 沒有任何調味, 味道簡單。
正當期望不太大時, 主菜就帶來了surprise!
【火焰美國Prime護心肉牛柳串】HK$378
原本意為牛肉串份量好少, 不足夠飽, 但原來所串嘅牛柳厚切大大粒,
上檯時淋上火焰, 店員控制所燒嘅時間, 再轉移放於碟上, 整個main course超豐富!
每串串有三件護心肉牛柳、青紅黃椒、蘑菇, 護心肉牛柳熟度掌握的非常好, 內裡肉質keep到嫩紅多汁, 沾上牛肉燒汁, 牛味更加濃郁。伴碟有沙律菜同埋蒜蓉香草醬薯角, 薯角口感偏硬。
套餐包括了Coffee/Tea同埋精選甜品, 另+$48升級朱古力心太軟
心太軟烘得暖暖帶微脆, 一切開, 流心朱古力即時湧出, 朱古力味香濃, 配上雪糕, balance心太軟溫度同味道, 推介。
另一款dinner set揀咗---Healthy Meal
二選一揀咗: 挪威雪蟹田園沙律
爽脆沙律菜上加了甜甜地蟹肉, 自行加黑醋, 清新。
【意式輕煎虎蝦紐西蘭牛柳粒蒜片意大利粉 (有機橄欖油)】HK$298
意粉口感偏硬身, 加咗橄欖油令整個口感順滑。整體味道偏淡, 符合健康!
而虎蝦雖然有啲痴殼, 但口感依然實肉, 帶點鮮甜。伴有沙律菜, 中和了橄欖油份。
法式焦糖燉蛋: 甜甜地, 如果份量多d會更滿足。
餐茶揀咗茉莉伯爵茶, 正好清新一下口腔。
凡高廚房 Van Gogh Kitchen
銅鑼灣軒尼詩道451-457號勝華樓2樓B室
沒有留言:
張貼留言