喜歡周圍試唔同餐廳嘅Omakase, 從同事口中得知灣仔有間omakase, lunch超抵食, 每位加埋一, 都係五百蚊有找, 難得平日放假, book定檯同好姊妹試下, 果然質素超出我預期!
L型吧檯, 每個座位都能清楚見到師傅處理食物過程。
Omakase Lunch HK$450/ppl
包括了前菜、茶碗蒸、四款刺身、壽司八貫、手卷、玉子燒、湯同埋甜品。
先送上前菜沙律, 爽脆生菜配蕃茄仔, 加咗少少酸汁, 清新開胃。
茶碗蒸: 面層有大大隻蜆肉, 不過有少少腥, 但下層蒸蛋滑得入口即化, 正!
刺身:
真鱔 配以梅肉點駁調味, 魚肉偏林滑, 皮爽口
大分縣 蠔 黑松露酸汁: 黑松露味突出, 蠔飽滿爽甜, 蠔味濃, 酸尾尾, 清新開胃。
春魚: 火灸再加以煙燻, 魚質偏林, 焦燶煙燻味重, 好香口
汁煮八瓜魚: 口感好林, 底下有盡吸了汁煮嘅汁醬, 鹹甜入味。
壽司:
鰈魚邊: 經火灸過, 入口即溶, 面層加左少少櫻花蝦, 更顯香口
貝柱軍艦: 淡淡鮮味
赤身: 魚質超嫩, 甘香鮮味
銀鱈魚: 火灸過滲出些少魚油, 爽得黎又好滑
車子: 面層加上蛋黃粉, 蝦肉爽甜多汁, 蛋黃味香濃
鯖魚 配甜酸沙律醬醋, 清香微酸
拖羅: 軟滑冇筋, 油脂豐富
海膽軍艦: 海膽入口即濃, 甘香鮮味
吞拿魚蓉手卷: 香脆紫菜包住了吞拿魚蓉, 當中加入了紫蘇菜醉同埋芝麻, 外脆內綿密, 綿密中又香口。
玉子燒: 有如蛋糕質感, 甜甜地。
味噌湯: 幾足料, 味道唔會過重, 熱辣辣正好食完壽司暖胃。
最後送上甜品,
有冧酒提子、雲呢拿雪糕、黃豆料蕨餅, 冧酒提子酒味好出, 如果雪糕份量多返D會更滿足。
彩羽壽司家
灣仔謝斐道151-161號金聲大廈地下A號舖
.
其他平台:
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
She.com: https://blog.she.com/keresawong/
ESDlife: http://wow.esdlife.com/keresawong
Weibo: http://weibo.com/keresawong
沒有留言:
張貼留言