近年唔少內地過江龍餐廳逐漸登港, 留港都可以品嚐到內地人氣美食, 今日就去咗旺角呢間「木屋燒烤」, 雖然未試過內地本店味道, 不能評價味道是否一樣, 但食過香港店後, 又覺得味道唔錯。
店內木系裝修擺設為主, 完美配合「木屋燒烤」的餐廳名, 而每張檯都有個小小火爐, 用以為串燒keep住熱度, 慢慢食都唔怕灘凍。
食物方面除了散點, 還有數款套餐。今晚我就揀咗個二人餐, 可以品嚐主要必食嘅人氣串燒款式, 落order前自選微辣, 所以唔擔心辣到食唔到。
【招牌經典二人餐】HK$351.4
套餐包括了一榨鲜酿良大麦皮尔森, 但唔飲酒就轉咗榨鴨屎檸檬茶,
新解即整嘅鴨屎檸檬茶, 非常足料, 青檸味濃郁, 澀而不苦, 解辣必飲!
烤蠔(2個): 烤蠔肥美, 烤後都冇點縮水, 烤嘅過程加入了蒜蓉同埋剁椒, 香口惹味又提鮮, 一咬爆汁, 大愛!!
香辣毛豆: 辣油只沾到毛豆表面, 不影響內裡既豆, 不會過辣。
金牌羔羊肉串(5串): 每串分別包含了五款不同部位嘅羊肉, 上檯已散發陣陣羊羶嘅清香, 肉質彈牙唔硬有肉汁, 加咗少少辣椒粉同埋芝麻, 香口惹味。
烤雞脆骨(4串): 雞軟骨爽脆美味, 同樣大愛!!
烤土豆片(4串): 土豆片烤得帶少少焦香, 微微爽脆口感有薯仔香。
電白干魷炒米粉: 有穫氣而不過於油膩, 夾集了少少煙韌嘅干魷絲同埋香蔥, 香氣十足!
木屋燒烤
旺角彌敦道593-601號創興廣場地下A號舖
.
其他平台:
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
She.com: https://blog.she.com/keresawong/
ESDlife: http://wow.esdlife.com/keresawong
Weibo: http://weibo.com/keresawong
沒有留言:
張貼留言