前排經過銅鑼灣「漁之屋」, 見有兩個堂食優惠, 今日相約同事去食返餐。
餐廳面積不大, 但地方企理乾淨。
全日堂食優惠: 【珍寶赤蝦刺身】HK$5/隻
蝦身肥美, 肉質綿密爽口, 帶住濃濃天然蝦甜, 鮮味好突出, 唔會腥。
另外幫襯滿HK$158, 仲可以以優惠價HK$15追加三件深海池魚,
【極上海鮮18丼飯】HK$208
集齊 18 款刺身,完美覆蓋整個丼飯,賣相極吸引, 高性價比!
入面有自家製磯煮鮑魚,入味彈牙;油甘魚鮮甜帶甘,三文魚油潤香滑;仲有甜蝦、多粒細帶子、爆漿三文魚籽、爽口八爪魚,另外特設吞拿魚蓉,香濃綿密。
除咗刺身,仲有灸燒和牛,燒得岩岩好,咬落好多肉汁;軟綿香甜嘅玉子燒,平衡成個盤嘅鮮味,一盤可以試勻好多唔同風味,刺身控必點!
另外仲有同呢款刺身丼差不多嘅就係【招牌十二丼】HK$122(付)湯物
【特上刺身七款御膳】HK$188 配湯物及日本飯
每款都係厚切, 食落夠晒實在, 唔係薄到一啖就冇嗰種。
包括有牡丹蝦、三文魚、吞拿魚大腹,最正一定係大腹,魚油超豐富,油香慢慢散開,一啖就感受到種甘香。
油甘魚甘香,魚味清爽唔會膩;真鯛質感緊實,清鮮回甘。
帶子同墨魚就做咗輕火灸,表層微微焦香,入面仍然保持嫩甜,香氣升級。
【三文魚腩刺身(3切)】HK$38
刺身勁厚切, 口感爽滑, 魚油極之豐富, 魚香味突出。
漁の屋
銅鑼灣登龍街1-29號金朝陽中心二期 - Midtown 地下B號舖
沒有留言:
張貼留言