7.20.2025

深圳【YES也是大排档】海鮮新鮮 小炒有穫氣

北上想食穫氣小炒, 即刻諗起大排檔。

「YES也是大排档」於深圳有多間分店, 港人經常北上去嘅熱點附近, 絕對係容易搵到一間係你附近。呢間餐廳價錢唔貴, 海鮮新鮮, 而且重點係環境乾淨, 仲有室內冷氣, 夏天去都唔怕食到成頭汗!


今次我係點評買咗其中一款點評二人套餐, 都係RMB198; 


再散點咗一款膏蟹, 整體我所order嘅都係人氣必點款式, 而且我食完之後係覺得值得推介!


【YES!超猛海鮮雙人餐】包兩位茶錢+一包紙巾

撈汁花甲: 為冷盤小食, 加咗蒜蓉汁醬、莞茜, 汁醬有助提鮮, 幸運地食成碟蜆都冇一隻有沙, 個汁甜酸開胃, 岩哂炎熱夏天邊食邊等上菜。


蒸巴掌大生蠔(兩隻): 熱辣辣兼有手掌般大嘅生蠔, 蠔肉肥美多汁, 放上大量蒜蓉同蔥粒, 蠔味突出, 鮮香美味。


YES!爆膏奶油蝦: 每隻蝦表面都沾上了奶油汁, 蝦肉爽彈鮮甜, 蝦頭有些少蝦膏, 表面嘅奶油味極為濃郁惹味, 大發!!



碎碎蛋爆炒米粉: 炒米粉炒得好有穫氣, 不會過於油, 蛋味濃郁。


99年爆打檸檬茶: 清甜回甘, 有助解膩。


【奶油膏蟹】RMB88 (兩隻)

膏蟹果然爆膏, 蟹肉鮮味, 底層有大量蒜粒, 很重奶油令整體味道鮮味十足, 令人回味!


YES也是大排档(深圳宝安前海HOP店)

兴华一路与海秀路交界处前海HOP天地L1-52-53

營業時間: 17:00-次日2:00

【牛大人台灣火鍋吃到飽】限定椰祭 款式選擇更多

移咗民嘅表弟暑假返香港, 當然要帶佢大吃一番。趁牛大人今個暑假推出咗限定主題「炎夏椰樂祭」, 可以品嚐到多幾款椰子口味嘅美食飲品。





牛大人分別供應買款套餐價錢, 我地揀咗最豐富嘅【120分鐘日本A4黑毛和牛火鍋放題】, 套餐送 澳洲M9和牛牛丸兩粒、海鮮拼盤、任食鮑魚、啤酒一杯。




我地選擇咗鴛鴦湯底, 

期間限定「喇沙椰爺仲夏鍋」: 沒有預期中濃郁喇沙味, 味道偏清香。

雪白御鮮豆腐鍋: 湯底清清地, 湯底滾後自己加入湯底食材, 盡顯真材實料。



呢個套餐可以盡享Menu上所有肉類款式, 有齊豬、牛、羊、雞

每款肉都切得比較薄, 稍為烚幾秒就可以食到肉嫩。




海鮮拼盤:

有帶子、鱔片、、生蠔同埋爽彈鮑魚, 雖然拼盤中嘅海鮮只係一次性, 不過鮑魚有幾款熟食可以order任食。



鮑魚任食嘅包括有原味、醉鮑、炭燒鹽蔥、柚子燒汁, 每款都各具特色。




澳洲M9和牛牛丸: 牛丸口感爽彈



大部份火鍋配料經scan QR code落單, 肉類、台灣直送漿類、餃類、麻吉燒、海鮮類 (蝦、脆肉鯇魚片等…)、炸物、台式小食、鴨血、限定台式甜品等….










期間限定嘅香芋椰漿脆脆: 香芋綿密, 加上椰香濃郁椰漿同埋脆脆嘅椰子脆片,口感豐富又帶濃郁椰香味。



台式特飲: 例如珍珠奶茶、鴨屎香檸檬茶等… 餐廳亦有供應。

而主題限定飲品, 更設有特調雞尾酒, 賣相滿有夏日氣氛。



而部份火鍋配料(丸類、蔬菜)、飲品、混醬區、雪糕雪條就設有自助區。









【優惠活動】

憑全日制學生證, 於星期日至四21:00後入座可享以下優惠:

* 「美國特級安格斯」套餐即減$30

* 「澳洲極上和牛」套餐即減$60

* 「日本黑毛和牛」套餐即減$90



知識就是折扣

通過答題贏取餐飲折扣等優惠:

* 答中2題:即影即有一張

* 答中4題:即送鮑魚小吃拼盤共6隻 (3款特色鮑魚各2隻)

* 答中5題:下次惠顧吃到飽套餐全單八五折 (需登記成為Storellet會員)



追蹤牛大人社群媒體 (Facebook/IG/小紅書/大眾點評) 

即可獲贈「椰奶蓋芒芒爽」一杯



酒類暢飲

* 「日本黑毛和牛A4+」晚市套餐可享雞尾酒特調飲品及指定啤酒無限暢飲。

* 「澳洲極上和牛」套餐可加 $68 升級「酒類任飲」。



牛大人台灣火鍋吃到飽

將軍澳唐德街9號PopCorn 1 2樓PopFood 3號舖

7.19.2025

深圳【堂本家·二代目·炸猪排】咖哩豬扒蛋包飯 不過不失

 被蛋包飯吸引而去, 滿心期待, 但最後有D失望。


【堂本家 超值單人套餐】RMB96 (點評優惠) 

「元祖」咖哩溶岩豬扒蛋包飯

> 自選米飯/雜糧飯


製作約半小時, 豬扒外層金黃, 炸得酥脆不油, 不過肉質不嫩, 亦沒有肉汁;

但蛋包飯做得唔錯, 


上檯時蛋包放於飯之上, 店員用刀在蛋包面上𠝹開, 充滿雞汁嘅蛋包兩邊瀉開, 打卡度十足。再淋上咖哩汁, 飯底可自選米飯/雜糧飯, 豐富蛋汁同埋咖哩汁撈飯食, 口感濕滑, 咖哩甜甜的, 但蛋味偏淡。




無限添加: 手工醃漬小菜、豚湯、生菜絲


四選一口味優格:

自選桃味, 桃味濃郁, 優格幼滑。


堂本家·二代目·炸猪排(壹方城店)

深圳市壹方城负2层(宝安中心地铁站F口步行230米)

營業時間: 11:00-22:00

2025深圳寶安【貝納德酒店】簡樸整潔 十分鐘內步程至壹方城

開幕年份: 2024年

CHECK IN入住時間:14:00後

CHECK OUT退房時間:12:00前


貝納德酒店(深圳前海寶安中心壹方城店)

新安街道海旺社區84區創業一路2108號好旺角D棟303號, 寶安區, 深圳

> 寶安中心站C出口步行8分鐘

> 去壹方城步行11分鐘


於Trip.com訂購 價錢: HK$420(連稅) (一張大床) 此房間已免費升級 - (2025年6月底價錢)


距離羅湖站約有一個鐘地鐵車程, 今次為壹方城同埋一間打卡Café而去。所以選擇咗壹方城附近呢間---貝納德酒店。


從壹方城步行至酒店約十分鐘, 全座大廈為寫字樓跟酒店合併, 原來酒店只有3/F全層連大堂,而地面直達酒店, 設專用升降機。


打開升降機門, 燈光柔和, 幾有園林格調, 開放式跟早餐區域相連, 感覺算係有空間感。


酒店免費給我們房間免費做升級, 房間面積大小小。

開門經過梳洗區再到睡眠區。


睡眠區地方簡潔, 床頭設有充電、智能式控制房間電子儀器。




房間內放有茶包、咖啡粉、小雪櫃, 不過雪櫃完全沒有凍感。



廁間設於淋浴區內, 有門做分隔。


梳洗用品亦很齊全。




整齊房間清潔度不錯, 只係走廊隔音較差, 還好當日平日, 入住率低, 不太影響。

深圳【YES也是大排档】海鮮新鮮 小炒有穫氣

北上想食穫氣小炒, 即刻諗起大排檔。 「YES也是大排档」於深圳有多間分店, 港人經常北上去嘅熱點附近, 絕對係容易搵到一間係你附近。呢間餐廳價錢唔貴, 海鮮新鮮, 而且重點係環境乾淨, 仲有室內冷氣, 夏天去都唔怕食到成頭汗! 今次我係點評買咗其中一款點評二人套餐, 都係RMB...