Address: 灣仔皇后大道東387-397號帝盛酒店1樓
營業時間：
星期一至日: 11:00-15:00; 18:00-23:00
設加一服務費
設訂座: Yes
=======================
有朋友來港旅遊住呢間酒店, 收工就去酒店同佢會合, 天氣轉涼了又唔想外出, 所以近近地就去左佢就住呢間酒店既一樓"圃公館"試試...
呢度有小菜同打邊爐選擇, 最後我地抱住試既心態揀左打邊爐, 因為從未試過係酒店地方打邊爐, 感覺比較新鮮!
每人入座先收茶芥HK$20, 不過呢度打邊爐係免收醬油錢, 混醬配料亦有九款之多!
同時間我地揀好"海鮮冬陰功鍋"做火鍋湯底~
【海鮮冬陰功鍋】HK$148
呢個湯底非常足料香濃, 湯底上檯已經聞到酸酸辣辣既味刺激味蕾同臭覺...湯底中仲有數隻蜆同埋大蝦, 而且大蝦好新鮮, 好爽! 絕對唔係以死蝦去整呢個湯底... 初初諗住係中式酒樓既冬陰功未必咁正宗, 但味道竟拍得住傳統既泰國餐廳!
湯底味道酸辣均一, 唔會好辣, 岩返香港人既口味...如果依然覺得太辣, 可以請侍應幫忙加入清雞湯, 平衡一下辣度...
【安格斯肥牛】HK$268(例)
色澤鮮紅新鮮, 每片肥牛厚薄適中...而且脂肪紋理分佈平均, 稍為烚幾秒即食, 湯底唔會蓋過肥牛既鮮甜味, 外表有冬陰功既微微酸辣味包住肥牛, 鎖住了肉汁, 牛味夠突出, 正啊!!
【珊瑚蚌】HK$128
平時珊瑚蚌食小炒食得多,第一次ORDER黎打邊爐, 稍為烚至珊瑚蚌卷起就可以食, 同樣爽脆!!由於珊瑚蚌亦係海鮮類, 所以配合今次呢個"海鮮冬陰功湯底", 味道更加夾!
【特式四式丸(8粒)】HK$128
四式丸包括有墨魚丸,豬肉丸,鯪魚球同蝦丸~ 而我最中意食既係墨魚丸, 入口超級爽彈! 而且有少少墨魚既碎粒混集, 不但味道鮮甜, 令口感亦豐富起來!至於豬肉丸,鯪魚球雖然冇墨魚丸咁彈牙, 但同樣鮮甜, 不錯!!
【手打鮮蝦滑】HK$138
比起四式丸中既墨魚丸, 爽彈程度只差了少少, 不過外表有粒粒蟹子, 入口咀嚼時口感幾特別~~ 蝦滑既黏度亦好高, 容易刮出放入火鍋中...
【鮮蝦水餃(半打)】HK$96
【鮮蝦大地魚雲吞(半打)】HK$96
本身自己唔太中意食水餃, 所以朋友order左水餃, 我就另order雲吞...點知...試左一隻水餃之後, 我竟然會深深愛上!! 皮薄餡靚!!! 水餃同雲吞入面既蝦同樣爽口鮮甜!! 而水餃中加入左少許木耳, 令咀嚼時, 爽口程度更加提升!!
食完呢餐火鍋之後, 除左令朋友更加覺得香港係美食天堂外, 更令我呢個本地人更加對酒店美食另眼相看!! 有機會一定會再來,而且更希望試試呢度既小菜係咪同樣超水準!!!
沒有留言:
張貼留言