臨近中秋, 相約舊同學出來聚一聚, 特意揀左交通最方便既旺角食放題, 勝在一個價錢, 可以任飲任食, 唔會超出預算。
有同學建議去”大滿喜”, 9點後入座, 價錢加一後每人都係二百蚊有找, 所以我地所有人意見一致就決定去呢間食餐勁~
入座時段沒有限制, 所以時間比較易自己控制, 入座起計任飲任食兩個鐘, 以呢個價錢黎講, 絕對有信心回本!
店內設大部份卡位, 平日晚已見坐無虛席, 除左落Order叫野食之外, 而飲品、少量熟食、沙律冷盤、乳酪等等可以出去自助bar拎~
野食黎得幾快, 先來一盤刺身, 每次order既刺身都以冰墊底, 刺身款式都幾多, 而且很新鮮, 絕對冇腥味。
特大赤蝦, 非常飽滿; 三文魚為厚切, 更突顯爽口感; 一片片既象拔蚌仲好爽tim~
呢度既壽司都有好多款, 卷物、軍艦、火灸壽司都有供應, 每件壽司飯都細細件, 食多幾件都唔會咁易飽
芝麻雞翼 每次黎呢間放題我都必食, 非常欣賞表面炸得好乾身, 香脆可口, 不帶半點油膩, 內裡仲keep到juicy肉汁
雞軟骨 邊位燒得帶點燶, 軟骨幾爽脆, 表面有少少鹽吊味
海蝦 唔會係死蝦, 入口帶爽口鮮甜
天婦羅蝦 同樣炸後表面唔會油膩, 炸皮仲幾鬆脆tim
芝士焗海鮮 芝士味很重, 原來入面有一隻已被去殼既蝦, 非常之爽, 連帶芝士同沙律醬一齊食, 味道好濃
芝士蒜蓉蝦 開邊蝦令我地食得方便, 蒜蓉帶出蝦既鮮味, 加上少少芝士, 更為惹味。
最後我仲出去支左杯乳酪雪糕做甜品, 本身有兩隻味: 原咪/榴槤味, 但原味早已暫停供應, 只好試試榴槤味, 榴槤味果然好重, 平時唔食開榴槤既可能會覺得好臭。
榴槤味雪糕很滑, 仲可以自行任加配料。食過之後, 口中仲有陣陣榴槤味散發。
如果唔食雪糕, 都仲有其他甜品選擇, 例如cake、豆腐花、奶凍、布丁等等…
奶凍口感香滑. 而且奶味真係好重ga!
整體黎講, $200有找呢個價錢可以食到咁多款野食, 的確係好抵! 食物質素唔差, 野食黎得幾快, 而且冇漏單, 服務亦唔錯…. 真係唔係間間放題咁物超所值~
————————————————
餐廳名稱:大滿喜日本料理
Address: 旺角彌敦道593-601號創興廣場8樓
Tel.: 36222162, 36222163
營業時間:
星期一至五: 17:30-00:30
星期六至日:
12:00-15:00
17:30-00:30
設加一服務費
接受預先訂座: Yes
====================
Find me on
Facebook/Openrice/UBlog: Keresawong.L.S
====================
Foodie•Beauty•Travel•Lifestyle❤ Instagram/Facebook: Keresawong.L.S ❤ E-mail: keresa820@hotmail.com ❤
9.25.2017
訂閱:
張貼留言 (Atom)
尖沙咀【龍鳳呈祥火鍋雞煲】舊香港主題 帶來味蕾上驚喜!
堂家姐趁住十一黃金周來港旅遊兼探親, 我正好假日休息就帶佢去尖沙咀逛名店, 再帶佢去咗一間以80年代舊香港主題打卡餐廳食雞煲火鍋。原本諗住打卡餐廳食物水準不應抱期望, 反而今晚帶來味蕾上驚喜! 餐廳環境、裝修佈置充滿舊香港氣色, 分別有中式婚宴龍鳳禮堂、留聲機、舊唱盤、雀籠同埋...
-
Promotion code【H&S019】即時9折優惠! 經常對電腦導致肩頸酸痛, 相信係現今都市人既通病。 間中做下按摩, 有助令肩頸鬆弛, 減輕痛楚。 想舒舒服服享受按摩療程, 唔想失預算, 更加唔想被hard-sell? Estebel Spa 位於尖東站P2出口...
-
PRO醬油蟹專門店 地址:서울특별시서초구잠원동27-1 (首爾市瑞草區蠶院洞27-1 Pro大廈1、2樓) 營業時間:16:00-00:00 交通方式:新沙洞站4號出口, 步行約3分鐘 每次到韓國旅行, 其中必食一定係當地醬油蟹! 今次亦不例外, 對上一次到韓...
-
1) 炭燒風川鰻魚 풍천장어 2人份量 66,000W 主打炭燒鰻魚餐廳, 即叫即劏, 已清洗好的原條鰻魚, 經炭燒後鰻魚皮略帶脆, 原汁原味, 以不同香葉夾住入口, 配以秘製汁醬等配料, 令人大口大口吃不停, 喜歡吃鰻魚既朋友, 切勿錯過! 炭燒風川鰻魚 ...
沒有留言:
張貼留言