荃灣【咖啡灣】無可挑剔的高質Cafe

臨近聖誕, 放工後同朋友去荃灣千色匯搜羅一下聖誕禮物, 剛好到了晚飯時段, 順道係附近搵餐廳食埋飯先返屋企。搵到呢間裝修以粉紅色少女風為主既地舖cafe, 看一下menu, 款式多而且都很吸引, 於是我地就決定入去食返個dinner。

當晚為平日時間6點多, 餐廳未算有太多人流, 直至8點左右, 餐廳已經座無虛席, 係呢個比較隱閉地段來說, 受歡迎程度確實難得。

野飲方面, 提供多款特色飲品, 熱飲的更有拉花公仔等選擇, 單是選飲品, 都花了很久才決定了點【曲奇沙冰】HK$39
沙冰中除了打成幼沙既沙冰, 仲有oreal碎粒, 加上cookies ice-cream, 係一杯oreal味道很出而不會過甜既沙冰。

呢款小食係餐廳menu上極力推介, 當然要order一試!
【桂花蜜橙柳雞翼】HK$62
每隻雞翼表面都平均包著較杰身而薄薄既桂花蜜, 清清既桂花香加上少少甜既蜜糖, 令雞翼味道更加昇華, 加上一口雞翼, 一口清甜既橙, 味道很夾!

【海膽黑松露蟹蓋飯】HK$178
呢款係荃灣/將軍澳分店既限定款, 賣相很有氣勢, 蟹蓋+黑松露+海膽覆蓋係飯之上, 海膽入口即溶, 很鮮甜, 一點腥味都沒有, 而且份量跟黑松露一樣不少。

本意為蟹蓋只是裝飾伴碟之用, 一歇開蟹膏, 竟發現明顯既芝士拉絲, 很邪惡啊!!

圍邊的就是稠身既龍蝦汁, 加上了少訐忌廉汁, 味道不會太濃亦不會太膩, 食既時候不只是稠口既飯, 仲有撈係飯入面既蟹肉, 值得推介!

【黑松露香菇忌廉湯】HK$35
個湯帶少少杰身, 黑松露味很出, 而且非常足料, 有大量既菇, 正啊!

最後我地就Order個甜品, 甜品都是以窩夫為主, 款式亦不少, 而喜歡Oreol既我, 我還是受不住引誘order了【黑魔王曲奇雪糕窩夫】HK$82
窩夫表面略帶脆口, 內裡間中食到窩夫中既幼糖, 係比利時正中的做法, 而且蛋味濃郁。

想不到本打算吃個便飯, 醫飽肚便算, 竟然款款美食都帶來驚喜, 大滿足!!!

————————————————
餐廳名稱：咖啡灣 
Address: 荃灣眾安街68號千色匯2期地下G30-G33號鋪
Tel.: 34811883
營業時間：
星期一至日: 11:00-23:00
設加一服務費
接受預先訂座: Yes
====================

Instagram: https://www.instagram.com/keresawong.l.s/

Facebook: https://www.facebook.com/keresawong/

Blogspot: https://keresawongls.blogspot.hk/

Ublog: http://blog.ulifestyle.com.hk/blogger/keresawong/

Pixnet: http://keresa.pixnet.net/blog