尖沙咀【新泰東南亞餐廳】超水準十全十美的泰國菜

去完泰國旅行未夠一個月, 對當地美食依照念念不忘, 同事介紹尖沙咀有間食泰國菜質素同味道唔錯, 推介一試! 於是book定檯今晚同屋企人去食餐泰國菜dinner~

餐廳內設部份卡位, 同鄰座距離較近, 不過座位算坐得幾舒服。平日晚7點多, 餐廳內已經座無虛席, 幸好有預先BOOK位, 減省輪候時間。

MENU上款式眾多, 很多款都想試, 眼闊肚窄, 只好order幾款share齊齊食。

【椰青沙冰】HK$55
原個椰青肉打成沙冰, 椰香味突出, 甜甜地, 飲到最後一啖, D冰稍為溶左, 味道都唔會轉淡。

【蒜蓉越南牛油雞翼】HK$68
Menu上見到呢款小食係推介之一, 所以就order一試。牛油跟蒜蓉呢個配搭令上檯時香氣更為樸鼻, 咬開雞翼, 內裡還有豐富肉汁. 果然係色香味俱全。

【椒鹽軟殼蟹】HK$78
賣相其實有D似避風塘煮法, 同樣有炸蒜蓉, 軟殼蟹不會過於乾身, 夾集炸蒜蓉食, 味道香口~

【串燒】HK$88
串燒有六串, 可自選豬、牛、雞, 我地就選擇每款兩串, 每串串燒份量不少, 很厚肉, 串燒不會太乾身, 保留到原汁原味, 配上椰香味濃既沙爹醬, 味道更加提昇。

【馬拉盞通菜】HK$72
很有穫氣, 每條通菜都是短短的, 似乎是餐廳特意令食客食得方便。通菜清翠嫩綠, 當中有少少蝦米、蒜蓉等配料, 整體不會過鹹。

【泰式炸蝦餅】HK$78
蝦餅炸至金黃香脆, 每件蝦餅都大大舊脤卜卜, 外脆內帶鮮甜彈牙。

【原個椰青大菜糕】HK$68
到最後甜品還是令我地很有驚喜, 呢款甜品不是每間泰國餐廳都可以食到,
平時食大菜糕都係以雞蛋絲為主, 而今次轉用了椰肉取代, 以整個椰青上盡顯真材實料, Jelly狀為椰青水所製, 椰肉夠林, 整體味道清甜, 很喜歡這個甜品!

為尖沙咀地段, 價錢沒有開天殺價 (價錢等同九龍城泰菜餐廳), 環境整潔, 待應不時為我地主動加水, 招呼周到, 最緊要食物味道質素都是超水準!!!有機會定必再黎ENCORN!!!

————————————————
餐廳名稱：新泰東南亞餐廳
Address: 尖沙咀北京道12A號太子集團中心8樓
Tel.: 21177001
營業時間：
星期一至日: 12:00-23:00
設加一服務費
接受預先訂座: Yes
====================
Find me on

Instagram: https://www.instagram.com/keresawong.l.s/

Facebook: https://www.facebook.com/keresawong/

Blogspot: https://keresawongls.blogspot.hk/

Ublog: http://blog.ulifestyle.com.hk/blogger/keresawong/

Pixnet: http://keresa.pixnet.net/blog