朋友係潮州人, 想食打冷菜, 知道旺角新開咗間打冷餐廳, 仲有兩小時火鍋任飲任食放題, 其中嘅火鍋湯底竟然係鹵水, 抱住好奇心態就陪朋友去試試。
門面由內至外都以紅色為主調, 富有中式氣氛,
三個套餐價錢選擇,
7款湯底選擇, 揀咗其中有全港獨家”鹵水湯底”,
鹵水湯底份量比較少, 深黑色鹵水汁令人錯覺覺得好鹹,
但原來味道甜甜地, 有如瑞士汁, 其後加湯為清湯, 所以唔會愈滾愈鹹。
蔬菜、丸類、飲品設自助區,
大部份火鍋食材就以scan QR code落單,
肉類均為超薄切, 令肉質相對嫩一d, 同埋快熟,
有手切封門柳、美國安格斯牛肩押、西班牙黑豚肉等...
而花雕雞片最有驚喜, 肉質超嫩, 雖然以花雕調味過, 但放落鹵水湯底烚熟後, 食落冇咩酒味。
牛柏葉、魷魚都好爽, 蝦滑就林咗d, 不過混入蝦粒, 食落有返d層次,
但鵝腸質素唔太討好, 相連太多多餘油層又唔太爽;
除咗無限供應火鍋配料, 另有幾款打冷熟食任點,
例如韭菜豬紅、麻辣豬肚, 可以淺嚐一下呢度嘅打冷小菜,
飲品方面就有任飲罐裝汽水、紙包烏龍茶等等...
另加$12仲可以任飲啤酒。
呢度除咗火鍋放題, 同時亦供應單點打冷小菜ga!
朋友單點咗個蠔餅,
蠔餅即叫即炸, 一整件大大份, 唔會太過油膩,
蠔仔亦分佈很密, 每咬一啖都食到有蠔; 蠔餅極為酥脆, 蠔仔鮮香唔腥。
放題沒有甜品供應, 於是散叫咗兩款自家制甜品,
超推介芋泥西米糖水, 入口絲滑, 多款煮到好林嘅豆類更豐富了層次,
芋泥微甜棉滑, 岩哂食完熱辣辣火鍋, 嘆返個凍冰冰甜品, yummy~
.
潮州鹵漢大飯店
旺角彌敦道620-628號瓊華中心8樓
.
平台參考:
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
Ublog: http://blog.ulifestyle.com.hk/blogger/keresawong/
小紅書: https://www.xiaohongshu.com/user/profile/5b230759e8ac2b524de93a5e
大眾點評: https://m.dianping.com/userprofile/1188939500
ESDlife: http://wow.esdlife.com/keresawong
Weibo: http://weibo.com/keresawong
沒有留言:
張貼留言