老朋友正日生日絕對要食好D, 揀咗銅鑼灣一間新開業嘅Sushi N食OMAKASE。
Dinner分兩個價錢, 當然貴嘅價錢款式多d, 揀咗$1,880/位嘅套餐。
餐廳黑色主調配木系檯, 營造出high class格調。
一坐低order咗杯日本桃汁,
OMAKASE正式開始, 師傅先介紹多款新鮮刺身魚, 款式都幾多。而整個SET會依據不同次序咁安排食物種類, 唔會循規蹈矩咁食完刺身環節再進入壽司環節, 對比大多坊間嘅OMAKASE, 別具驚喜。
先送上三款前菜,
螺肉: 頭一啖嘅瓜, 凍食, 酸尾尾, 螺肉爽而不韌。
醬油漬赤身: 魚油味較少, 有山芋襯托, 令口感滑一d。
白粟米: 爽甜多汁
昆布漬春子鯛壽司:
即立魚BB, 魚質嫩林, 魚味較為淡, 但就同酸甜壽司飯底好夾。
蝦他米:
啄碎甜蝦, 有如蝦膠質感, 口感黏, 蝦味濃郁, 加咗紫蘇花、橄欖油、豉油, 更能提高蝦嘅鮮味。
蝦湯:
以清酒杯品嚐, 味道甘香鮮味。
北海道鮮帶子壽司:
帶子超肥美鮮甜, 加咗蒸熟咗嘅馬糞海膽係飯入面, 味道層次感更豐富。
沙甸魚卷物:
將沙甸魚、酸甜薑絲卷起, 層次豐富, 酸甜兼有少少唱口感嘅配料, 令魚味更提鮮了不少。
火灸目光魚壽司:
目光魚壽司上, 以魚籽棒刨咗少少係面, 整體味道甘香, 入口即化。
北海道仙鳳趾 配倒醋沙冰:
即開生蠔超肥美, 脆卜卜, 刨上少少柚子雪葩, 酸甜冰凍沙冰跟生蠔溫度好夾, 生蠔爽滑, 蠔味濃郁, 酸甜倒醋沙冰有助去除海水腥味。
煙燻鱆紅魚刺身 配日本芽蔥、茗荷:
又一道先滿足視察嘅菜式, 將鱆紅魚刺身、芽蔥、茗荷加入器皿中, 蓋上後再打入煙燻, 焗一陣再打開食。芽蔥、茗荷取代平時食嘅wasabi, 不但食到鱆紅魚本身鮮魚味, 後續還滲出獨特煙燻味, 正!
連根鰻頭 配秋葵:
熱食, 有如糯米般黏, 鮮香微甜。
龍珠果配神秘果:
超有味蕾嘅沖擊變化, 師傅建議先食半粒龍珠果, 再食神秘果, 細味兩分鐘, 最後食返餘下半粒龍珠果。
首度入口嘅龍珠果微甜, 再食神秘果, 紅色皮薄脆，細味果嫩酸甜, 再食餘下半粒龍珠果, 果然同一粒果實中, 甜度果然遞增不少。
火灸梭子魚:
魚質鬆軟, 食落有焦香, 另一件多加柚子胡椒, 令魚味更濃。
海膽慢煮鮑魚配肝醬飯:
鮑魚開邊, 放入撈咗鮑魚肝醬嘅飯, 鮑魚爽而不硬, 而且食到本身鮮味。連海膽一齊食, 鮮味倍增; 底層肝香味十足。
北海道海膽壽司 淡雪鹽:
海膽疊成一堆, 師傅有如落雪般從上灑上淡雪鹽, 滿足視覺。整體入口creamy, 海膽味濃, 淡雪鹽更能令鮮味提升。
火炙深海池魚刺身配無花果:
無花果嘅香甜同埋加火炙深海池魚嘅爽彈+焦香, 味道溶為一體, perfect match!
九節蝦壽司:
非常肥美大隻, 肉質厚實爽甜, 整個入口, 口感超滿足。
筋子壽司:
即係醃過嘅三文魚籽, 帶醬油色澤, 整堆三文魚籽黏附一齊, 口感黏滑有層次, 但嫌味道過鹹。
煙燻拖羅配蛋汁:
面層拖羅被煙燻過, 但內裡keep成刺身, 少少鹹香減輕了拖羅本身魚油嘅膩, 再沾上蛋汁, 令口感滑一點。最後師傅再送上一口壽司飯, 再次徹底中和口中嘅膩。
油甘魚湯
質感黏滑, 魚香味濃郁, 有少少豆腐粒、菇增加層次。
芒果熱情果雪葩 配青森蘋果薄片
先食爽甜蘋果薄片, 再食雪葩, 充滿果香甜味, 入口即溶又解口中餘下嘅膩。
.
Sushi N
銅鑼灣恩平道42號亨利中心12樓
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
Ublog: http://blog.ulifestyle.com.hk/blogger/keresawong/
She.com: https://blog.she.com/keresawongls/
小紅書: https://www.xiaohongshu.com/user/profile/5b230759e8ac2b524de93a5e
ESDlife: http://wow.esdlife.com/keresawong
Weibo: http://weibo.com/keresawong
沒有留言:
張貼留言