Lunch hour同同事食生日飯, 選址中環一間樓上餐廳食fusion菜, 環境仲很適合打卡。
面積雖小, 但環境佈置很有外地風情, 而且仲有室外露台座位, 方便吸煙人士。
中環樓上fusion菜兼打卡餐廳 Getaway
環境佈置很有異國風情, 設有室外露台座位, 方便吸煙人士。
午市供應Lunch set (Salad + Main + Coffee/Tea) HK$158, 可以額外加錢追加湯品、小食、甜品等…
餐飲 +HK$30 可轉Signature mocktail, 為滿足壽星女打卡, order咗餐廳special drinks, 將cocktails轉為無酒精飲品mocktails。
兩款飲品擺盤賣相果然特別, 兩款味道有如乳酸般酸甜開胃, 前者為重菠蘿味, 後者為重椰子香。
Wanderlust HK$148
Drive me “COCOUNT” HK$188
兩款沙律份量亦唔少, 新鮮沙律菜酸甜開胃
軟殼蟹沙律: 原隻軟殼蟹開邊, 即炸酥脆而不油。
泰式牛肉沙律: 沙律加咗少少泰式辣醬撈埋, 食落辣辣地刺激味蕾, 不過牛肉有d乾身同有少少咬口。
$48 追加冬蔭公脆米湯:
呢個湯幾有驚喜, 上檯才加湯入放咗海鮮同脆米嘅碗入面, 有蜆、青口, 湯底酸酸辣辣, 碗中嘅脆米半吸了冬蔭公湯, 層次豐富, 如果個湯熱d會更好。
+$58/EACH:
墨西哥餅泰式生菜包:
比起傳統泰式生菜包, 只係用墨西哥餅皮再托底, 碎肉豐富了口感層次。
檸檬蜜糖烤雞肉串燒 :
雞肉皮有少少焦燶, 味道香口同埋加咗少少調味甜甜地, keep到豐富肉汁, 沾少少甜甜地檸檬蜜糖食, 味道再提升。
西京燒比目魚配喇沙意大利飯: 比目魚煎後表面依然有油光又有些少焦香, 有魚本身肉汁, 味道香甜; 至於個飯雖然選用意大利飯, 粒粒分明飽滿, 但沒有西式忌廉creamy感, 細味只有香草嘅香。
紅蝦意粉配龍蝦辣汁: 兩隻蝦大大隻, 鮮甜爽口, 每條意粉平均沾上了龍蝦辣汁, 甘香味濃重口味。
雖然已經飽到捧住個肚, 但還是要有甜品做終結先滿足!
+HK$18 牛油果巴斯克焦香芝士蛋糕
Cheese cake面層烘至焦香, 雖然唔太食得出牛油果味, 但有牛油果creamy口感特質, 整體唔會太甜, 有陣陣芝士味。
整體呢間餐廳每款食物、飲品, 擺盤都很有心思, 食物偏濃郁重口味, 同埋偏向泰式元素多。
.
Getaway
中環擺花街43號The Workstation2樓
.
沒有留言:
張貼留言