近年有唔少內地過江龍連鎖食肆登陸香港, 留港都可以品嚐到內地美食。
今晚就同朋友去咗呢間主打湖南土菜嘅餐廳 「農耕記」, 之前北上經常見到廣告牌但都未有機會食到, 今晚終於係香港可以試到。
餐廳環境乾淨企理, 雖然平日晚, 但餐廳都全場爆滿, 人氣爆燈!
自行scan QR code落單, 而呢度嘅服務質素相當有禮, 香港確係少見。
【鮑魚辣椒炒肉】HK$128
人氣菜式之一, 好有穫氣, 有小火爐興住, 散發陣陣香氣; 土豬肉又嫩又林, 鮑魚仔雖然好迷你, 不過爽彈唔硬, 夾埋軟皮椒食, 辣辣地刺激味蕾, 配飯一流!
【蒜蓉粉絲蝦仁】HK$118
上檯以gas爐滾起, 沙漏計時開蓋食得, 唔怕overcook; 墊底粉絲看似好深色, 但食起黎唔會過鹹, 味道剛剛好, 蝦仁岩岩好熟, 爽口, 平均咁配有些少蒜蓉, 惹味提鮮。
【蒜蓉蕃薯葉】HK$58
炒得有穫氣, 甘香清甜, 夾集蒜粒一齊食, 多一點香口。
【大蒜炒臘肉】HK$128
切片臘肉肥油比例多, 味道同口感有如煎咗嘅煙肉, 跟大量辣椒、蔥蒜配料炒起, 幾有穫氣, 微辣惹味。
食炒野當然配白飯, 大大碗都係HK$12
【鹹蛋黃燒賣】HK$39
賣相有如巨型小籠包, 有別於港式燒賣, 皮薄, 以糯米飯同埋一粒鹹蛋黃做餡料, 味道有如糯米卷, 好食!
【香水檸檬茶】HK$36
大大杯好抵飲, 甜酸清新, 青檸味偏重, 茶味較淡, 非常適合食辣野時飲, 解辣解膩。
農耕記 湖南土菜
將軍澳坑口重華路8號東港城1樓112號舖
.
其他平台:
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
She.com: https://blog.she.com/keresawong/
ESDlife: http://wow.esdlife.com/keresawong
Weibo: http://weibo.com/keresawong
沒有留言:
張貼留言