中環【朝天門】唱住K食重慶火鍋新體驗

前排同朋友去蘭桂坊蒲, 路過見到呢間門外極有中國風嘅餐廳, 好奇上網查過, 原來係重慶過江龍兼老字號火鍋店「朝天門」, 只係開咗三個月左右, 正好今日陪朋友去中環覆診, 順便去食個LUNCH。

原來呢間餐廳除咗供應重慶地道正宗火鍋外, 仲有包房模式, 私隱度極高!! 提供唱K娛樂, 可以邊唱K邊食火鍋, 真係第一次! 而且環境氣氛亦好適合商務宴請。

首先店員推出了這架「混醬車仔」, 放了多款醬料給自由混醬, 而且店員更極力推介加入這樽植物調和油, 係重慶火鍋嘅傳統食法, 確實味道果然升呢唔少!! 不但令食材口感更滑, 而且更加香口惹味!!! 值得一試!

而且餐廳還會每人給予一片白麵包, 用以吸取火鍋食材多餘嘅油。

我地選擇了【午市雙人餐】HK$1245 (已包茶水、醬油、加一服務費)

先送上--重慶小吃組合, 香酥脆脆有如蝦條般口感; 蠶豆香口, 先甜後繼微辣; 以米漿製成的杏仁餅, 口感偏粉。

湯底上檯賣相岩哂打卡 —- 玉璽鴛鴦鍋 

分別為麻辣紅湯同埋清甜菌湯, 前者麻辣過癮, 能刺激味蕾又開胃, 後者清清地。

特色三併: 

鵝腸沒有肥油連帶, 透薄爽口;

豬黃喉(心臟主動脈血管): 呢個部份平時好少可以食到, 口感爽口彈牙。

毛肚: 同樣爽口

貢丸: 很有驚喜, 口感彈牙, 味道香甜多汁, 推介!!

新西蘭羊肉卷: 色澤粉嫩, 沒有濃烈嘅羊騷味, 易入口。

套餐仲有午餐肉、翠綠清甜嘅皇帝菜、菌菇拼盤(小)。

最後送上兩款冰粉做甜品。

特色紅糖冰粉: 晶瑩通透冰粉, 配料有山渣粒, 青提子干同埋紅糖水, 撈埋一齊食滋潤甜甜又解辣。

另一款係加入了玫瑰花製成嘅冰粉, 花香味重, 配有爆珠, 既解辣又不失口感。

朝天門

中環德己立街30-32號加州大廈UG樓

.

其他平台:

Instagram: https://www.instagram.com/keresawong.l.s/

Facebook: https://www.facebook.com/keresawong/

Blogspot: https://keresawongls.blogspot.hk/

Ublog: https://blog.ulifestyle.com.hk/keresawong

She.com: https://blog.she.com/keresawong/

小紅書: https://www.xiaohongshu.com/user/profile/5b230759e8ac2b524de93a5e

ESDlife: http://wow.esdlife.com/keresawong

Weibo: http://weibo.com/keresawong