沙田【富臨薈】用心製作 手工中式菜

放假先黎打風, 落波後一家人出去食dinner, 經過見到呢間餐廳門外放滿唔少花牌, 應該是剛新開不久, 而且屬富臨集團, 質素應該唔錯, 而門面跟平時富臨中式酒樓大大不同, 格調比較新潮一點。

看看門外的menu, 價錢亦唔貴, 所以我地一家就入去試試。

侍應送上熱茶, 茶芥每位HK$6, 對比晚市黎講, 茶芥算係幾平, 如果ORDER一杯特飲, 仲會免一位茶芥tim~

雖然係晚市, 但點心都係全日供應。很難得dinner亦可嘆"一盅兩件", 另外更order左幾款菜名比較特別的試試。

【沙田燒乳鴿】HK$25/隻
沙田出名乳鴿, 又是一中式酒樓, 當然要order一試! 每人更可以限定價HK$25 order一隻, 真係好抵!!
menu上介紹餐廳取材於25天的妙齡乳鴿, 更經乳鴿既油去炸, 入口果然很有驚喜, 味道絕對與別不同, 原汁原味, 肉質很juicy入味, 餐廳沒有提供任何調味料, 味道已經很突出。

【有雞先定有蛋先】HK$38
賣相很可愛, 以竹籃放著幾隻雀仔形狀既鹹水角, 旁邊更有半開雞蛋, 營造了鳥巢的賣相, 像真度很高。
鹹水角表面乾身, 表面帶點脆而內裡軟糯, 入面帶有鮮甜肉碎, 至於半開雞蛋內有甜甜地既雞蛋布丁, 一款點心滿足又鹹又甜既味道。

【洛神金沙紅米腸粉】HK$38
打破傳統以紅色腸粉取代白色腸粉, 同樣口感很滑, 包著鬆脆卷, 再入面更有很爽口既蝦, 三重口感, 正~

【發過豬頭點心拼盤】HK$68
點心中既包點賣相很精緻可愛, 有五款不同既點心, 我就揀左栗米包, 表面很鬆軟, 入面有粒粒既栗米同菇菌, 整體味道唔會太重。

【鴻圖超脆麵】HK$78
第一次見麵係一小球一小球上檯, 雖然已淋上汁醬, 但無損脆口感,  脆卜卜, 但食到中間時, 味道有點帶苦~

【西班牙膏蟹飯】HK$680
蟹蓋上放上超多蟹膏, 兩大隻蟹幾乎覆蓋成碟飯。
侍應為我地將蟹膏混入飯中, 令我地可以食到啖啖既蟹膏飯。味道甘香, 至於兩隻蟹既蟹肉都係啖啖肉, 肉質很實在, 唔食水汪汪既死蟹, 鮮甜無比, 一試愛上!

————————————————
餐廳名稱：富臨薈 
Address: 沙田正街11-17號偉華中心2樓9A-9B舖
Tel.: 25700168
營業時間：
星期一至日: 10:30-23:00
設加一服務費
接受預先訂座: Yes
====================
Find me on
Facebook/Openrice/UBlog: Keresawong.L.S
====================