每次經過東港城呢間台式火鍋放題餐廳, 門外都勁多人等位,
一心想黎試試, 於是中秋前夕相約大胃朋友出黎聚舊食餐勁!
分別有四個套餐價錢, 在於食不同品種嘅牛, 而每款套餐同樣可以任食台式小吃同埋火鍋配料。
我地揀咗最top嘅澳洲M7和牛（Australian M7 Wagyu Chuck Roll）
成人HK$295; 小童HK$218
星期六、 日、公眾假期: +$10
可以一次過品嚐店內所有款式嘅肉, 而最最最正就係三百蚊左右, 可以狂食澳洲M7和牛!!!
餐廳內所有座位都係卡位, 坐得舒服, 環境企理, 雖然冷氣唔太夠, 不過當晚人唔多, 所以未覺有焗促感。
而自助區設餐廳中心位置, 食物款式多, 而且fill得快。火鍋配料有大量丸類、蔬菜類, 混醬區、少量台式熱食、芋圓糖水、雪糕雪條;
飲品方面除咗有罐裝汽水, 仲有清熱冬瓜水、果汁等等…
二人可自選一款湯底, 揀咗一品酸菜鍋, 酸尾尾清新又開胃,
呢款套餐附送一次性蘇澳海鮮盤+神仙牛肉一客
海鮮包括有青口、蜆、牡蠣、墨魚仔、海蝦, 以冰墊底上檯, 其中蝦、墨魚仔都可以無限追加。蝦唔算肥美, 但爽口鮮甜。
神仙牛肉掛起, 每片均有點厚度, 嫩紅兼平均分佈雪花牛脂, 稍為焯幾下入口, 嫩滑柔軟! 比起套餐中嘅澳洲M7和牛, 質素還要高。
肉類、海鮮、台式小吃均以scan QR code落單, 上檯快又齊。
瘋狂地每款牛都點了一碟, 而每款肉都為嫩紅新鮮, 表面冇雪氣
澳洲M7和牛: 每片切成手掌般大片, 牛脂雲石般分佈, 焯熟後夾起, 入口柔軟甘香, 相對神仙牛肉冇咁滑, 肉味稍濃一點。
美國極黑牛三叉，美國牛板腱: 牛脂相對少, 質感有嚼勁
羊肉卷: 有羶味, 但還算可入口。
彰化白鱔片: 鱔皮有彈性, 魚質偏林
澎湖墨魚滑: 雖不算超彈牙, 但墨魚鮮香味幾出。
府城蝦卷: 表面有層薄薄微脆, 內裡有鮮甜蝦味。
甜品就有自助區任食雪糕雪條, 滿足。
.
犇殿台灣火鍋
將軍澳重華路8號東港城2樓275號舖
.
平台參考:
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
Ublog: http://blog.ulifestyle.com.hk/blogger/keresawong/
She.com: https://blog.she.com/keresawongls/
小紅書: https://www.xiaohongshu.com/user/profile/5b230759e8ac2b524de93a5e
ESDlife: http://wow.esdlife.com/keresawong
Weibo: http://weibo.com/keresawong
沒有留言:
張貼留言