葵芳【The Pantry Cafe】值得為Pancake而來

前排屋企人食過新都會廣場The Pantry Cafe後, 大讚呢度嘅pancake超正! 今日丫妹考完試就約我去呢度食dinner, 當然主打必食呢度嘅Pancake啦!

餐廳座位分兩個section, 兩邊格調都有所不同。

餐廳供應數款主食, 例如意粉、意大利飯、PIZZA、Burger等等....而最吸引嘅絕對係呢度嘅甜品。

 【Salami】HK158

Pizza呈長方形, 餅皮微脆煙韌, 面層佈滿了茄醬、Mozzarella Cheese芝士同埋意大利香腸, 甜酸帶點微辣鹹香。

 【Bolognese Fettuccine with Onsen Egg】HK$132

闊麵有口感而不太硬, 有大量安格斯牛肉肉醬, 甜酸開胃, 肉味香濃, 配有一隻温泉蛋, 一篤即流出豐富蛋汁, 令整個闊麵口感更黏滑。      

Order了兩款口味嘅Ricotta厚班戟, 兩層Pancake於上檯時輕微左右搖擺, 盡顯鬆軟度, 口感軟綿。

 【Banoffee Creme Brulee Pancake】HK$119

面層Pancake上有層薄脆焦糖, 淋上了雲尼拿吉士醬, 不但沒有覆蓋pancake嘅蛋味, 反而令整體蛋香味更提升, 簡直perfect match! 再有香蕉同埋少少拖肥醬做擺盤, 賣相同味道同樣吸引, 推介!!

 【Chocolate Banana Pancake】HK$125

Pancake上淋上了朱古力濃醬, 疊上朱古力布甸同埋一球朱古力味雪糕, 不過朱古力味稍為覆蓋了pancake本身嘅蛋香味, 如果喜歡食朱古力嘅朋友必定喜歡, 真係啖啖都係特濃朱古力。

The Pantry Cafe

葵芳興芳路223號新都會廣場5樓531-540號舖

.

其他平台:

Instagram: https://www.instagram.com/keresawong.l.s/

Facebook: https://www.facebook.com/keresawong/

Blogspot: https://keresawongls.blogspot.hk/

Ublog: https://blog.ulifestyle.com.hk/keresawong

She.com: https://blog.she.com/keresawong/

小紅書: https://www.xiaohongshu.com/user/profile/5b230759e8ac2b524de93a5e

ESDlife: http://wow.esdlife.com/keresawong

Weibo: http://weibo.com/keresawong

葵芳 【燒肉一番】親民燒肉店

假日重臨舊公司區域, 舊同事不忘推介附近新開一間烤肉店, 價錢親民, 新張期不設加一, 趁機今日相約朋友去食返餐! 

餐廳光鮮企理, 近門口位仲擺放了日本人氣動漫龍貓公仔比食客打卡。

正值午市時段, 全場滿座, 亦不覺有半點油煙感。

全日有超過十款燒肉套餐選擇, 套餐包括有白飯、麵豉湯、前菜/泡菜, 當中所包括嘅肉類分別有100g同埋200g可供選擇。另外想食豐富d, 更有多款肉類同埋野菜可供追加, 價錢同樣親民。

檯上放著多款調味醬汁:

我地每人order咗兩個set, 再追加咗幾碟燒肉。

【牛肉三食套餐】HK$168 (另加+$8轉紫菜飯)

自選 (四選一): 揀咗牛板腱、牛頸肉、牛舌

牛板腱: 肉質帶點點咬口, 肉味香濃

牛頸肉: 脂肪較少, 肉嘅筋比較少, 比牛板腱更有咬口

牛舌: 薄切, 燒至金黃, 口感帶爽

 【牛五花】HK$28

牛脂比例佔半, 集中於中心位置, 烤後滲出豐富牛脂, 令口感鮮嫩。

 【一番盛合套餐】HK$118  (另加+$15玉子飯)

一次過食到牛小排、牛舌、厚切豚五花

牛小排: 牛脂如大理石般分佈, 口感細緻軟嫩

厚切豚五花: 五花腩肥瘦佔半, 切得帶少少厚度, 烤至金黃, 油香感十足。

 【一口牛小排】HK$88

同樣為牛小排部位, 切割成粒狀, 肉質口感更顯彈性

 【安格斯肉眼】HK$148

Size有手掌般大, 色澤嫩紅, 牛脂集中同時又有如大理石紋般均勻分佈, 肉質軟嫩, 牛味香濃。

 【粟米】HK$18

香甜多汁, 正好平衡烤肉嘅油膩。

 【忌廉蟹肉薯餅】HK$18

薯餅鬆脆不油, 入面嘅忌廉蟹肉甜甜地, 忌廉香滑而且突出。

 【一口芝士】HK$18

同樣鬆脆, 一咬散發香濃芝士味

飲品方面就只有散叫, 價錢合理。

 【白提梳打】HK$15

 【青檸梳打水】HK$15

甜品方面就只有雪糕, 四種口味選擇

 【雪糕】HK$20/份

雪糕加咗少少朱古力脆皮, 配上棉花糖。

牛乳味清香, 不算濃郁; 至於朱古力甜度剛好。

.

燒肉一番

葵涌葵義路2-10號新葵芳花園好爵中心1樓

.

平台參考:

Instagram: https://www.instagram.com/keresawong.l.s/

Facebook: https://www.facebook.com/keresawong/

Blogspot: https://keresawongls.blogspot.hk/

Ublog: http://blog.ulifestyle.com.hk/blogger/keresawong/

She.com: https://blog.she.com/keresawongls/

小紅書: https://www.xiaohongshu.com/user/profile/5b230759e8ac2b524de93a5e

ESDlife: http://wow.esdlife.com/keresawong

Weibo: http://weibo.com/keresawong

葵芳【老鳳冰室】懷舊冰室主題

舊式酒樓龍鳳backdrop、舊式花牌、信箱、鐵閘等等...充滿濃厚懷舊氣氛, 就連野食同飲品都係傳統港式小食、茶餐, 有如返左70年代! 每日推出午餐同下午茶套餐優惠~ 全日仲免加一服務費!

【生炸雞脾焗薯泥】HK$38
很喜歡炸雞脾既皮炸得焦脆, 入口香脆而內裡keep到肉汁, 配上肉醬薯蓉, 相比只配茄汁, 更加豐富!

【芝士豬頸肉撈一丁 奉送牛油厚多士】$48
超多芝士醬, 芝士味濃郁, 豬頸肉幾爽, 配搭好邪惡啊!

【波波紅豆奶茶】套餐加$16
茶底好濃, 以奶茶雪成冰粒, 慢慢飲都唔會令味道轉淡, 加上甜甜地又夠林既紅豆, 避免了濃而有澀味

【焗芝士海鮮飯】 $48
面層芝士焗至金黃, 賣相吸引, 海鮮包括有蝦、魷魚、魚柳, 海鮮剛好熟, keep到原汁原味, 蛋炒飯做底, 但稍絲芝士唔夠多, 不足以撈飯, 食到尾有d乾...
************************************************
老鳳冰室
葵芳榮芳路9號恆景花園恆景商場地下G13號舖
星期一至日: 07:00 - 22:00
************************************************
【FOLLOW ME】
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
Ublog: http://blog.ulifestyle.com.hk/blogger/keresawong/
Pixnet: http://keresa.pixnet.net/blog
BeautyExchange: http://www.beautyexchange.com.hk/blog/keresawong.l.s
She.com: https://blog.she.com/keresawongls/
ESDlife: http://wow.esdlife.com/keresawong
Weibo: http://weibo.com/keresawong
************************************************
合作/邀請：keresa820@hotmail.com
************************************************

葵芳【丸十日本食堂】首間於餐廳內製作精米

將米糠從粗硬玄米表面輾走, 再打磨成口感軟熟既白米工序,

保留水份、香氣同埋味道, 不會於運輸過程中流失。

係丸十中, 會食到不一樣而又健康既米飯~

【澳洲和牛丼】HK$148 (溫泉玉子伴燒)

和牛表面燒至帶少少焦香, 內裡keep嫩紅肉質,

另外有溫泉玉子淋上, 令入口帶少少濕潤,

和牛肉味重, 但稍嫌有d乾同埋份量唔大~

飯質偏軟熟, 米香味較出...

【鐵板燒地雞】HK$88
Menu人氣推介, 但唔覺有咩特別,

只係普通燒雞脾肉質素, 夾住香蔥食係幾香口

最創作莫過於以刺身併成冬甩同埋漢堡

【壽司冬甩】HK$88

將刺身切成條狀同埋粒狀, 有三文魚腩、帶子、三文魚籽、蟹肉、青瓜粒, 加左千島醬, 令味道更為濃郁~

【松葉蟹肉壽司漢堡】HK$98
松葉蟹肉鮮甜, 混入左蟹籽增加口感, 以飯壓成漢堡包, 口感煙韌

************************************************

丸十日本食堂

葵芳興芳路223號新都會廣場4樓484-487號舖

Tel.: 37020021

************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************

葵芳【南小館】傳統+新派上海菜

係葵芳返工, 間中收工都會約成班同事到附近食飯。今晚我地就近近地揀左新都會既一間上海菜。餐廳內檯與檯之間都很寬敞, 沒有壓迫感。

待應先送上前菜比我地開開胃:

【蜜瓜奶昔】HK$36
蜜瓜味很重, 飲落去很杰, 而且口感滑。唔會太甜, 一試愛上!

【南國薑蓉雞】HK$78
雞肉已被去骨, 肉質鮮嫩, 上面好似肉鬆既碎其實係以薑整成, 但沒有想像中係搶口, 太濃太辣既薑味, 只係好似平時食開既薑蓉咁少少鹹, 口感同食緊肉鬆既差不多, 唔洗點醬汁都夠哂好味。

【黃瓜海蜇】HK$62
以最爽既海蜇頭做主角, 爽口度極高, 加上黃瓜同埋酸味味既汁, 很醒胃!

【酥炸龍俐魚】HK$88
炸過後, 表面都唔會油林林, 乾身而脆口, 炸皮薄, 入面既龍俐魚魚質仲好滑tim...

【黑松露河蝦仁】HK$128
黑松露味很突出, 唔好睇佢每隻蝦細細粒, 但又幾爽~

【蒜香單骨雞翅】HK$68
蒜香其實有d似食緊避風塘果種煮法, 單骨雞翅很入味, 表面炸得香脆, 配上蒜香, 辣辣地, 再大大提升香口度。很喜歡呢款小食!

【川椒辣子雞】HK$88
無骨雞肉粒啖啖肉, 同樣有大量既炸蒜同埋原隻紅辣椒仔, 但對比上面既單骨雞翅, 辣度較為輕。

【生拆蟹粉小籠包】HK$88@5件
小籠包既皮賣相係鴛鴦色, 皮很薄, 一咬開入面豐富既湯汁多到湧出黎...湯汁很鮮甜, 蟹粉味亦很重, 入面既肉同埋都好Juicy ga~~~

【無鍚小籠包】HK$45@5件
如果唔食蟹既朋友而又想食小籠包, 推介試下呢款比較傳統既小籠包。對比上面既蟹粉小籠包, 只係冇左濃郁蟹味, 反而可以食到正宗原汁原味既tim...

【招牌生煎包】HK$45@4件
包面很鬆軟, 底部煎得好脆而且香口, 入面仲keep到少少湯汁同埋juicy既肉

【老上海酸辣湯】HK$42
呢度既湯以"客"Order, 所以就算一大班人食, 都可以各自order到自己想飲既湯。個湯很杰, 而且好足料, 酸辣很平均。

最後當然食埋甜品為呢個豐富晚餐畫上句號啦...呢度既甜品款式都幾多, 我地就揀左個抵食甜品拼盤SHARE大食

【甜甜拼盤】HK$68
茉莉花茶凍 - 口感香滑, 味道甜甜地, 淡淡既茉莉花味, 很清新
芒果凍布丁 - 入面有芒果果肉ga....
桂花蜜拉糕 - 口感有點煙韌, 其實桂花蜜只有糕上正中間既一小點, 但小小既一點已經令糕點味道增添淡淡既花香。

整體黎講, 呢度既食物款式除左傳統, 更有新派菜式, 款式多多, 每碟份量唔太多, 可以食多幾款, 味道比預期中好食, 有機會一定會再黎!

————————————————
餐廳名稱：南小館    
Address: 葵芳興芳路223號新都會廣場4樓413-416號舖
Tel.: 2845 8899
營業時間：
設加一服務費
接受預先訂座: Yes
====================
Find me on
Facebook/Openrice/UBlog: Keresawong.L.S
====================